Jagaran Nepal आइतबार, साउन ३१, २०७८

मुसा , झिंगा , उडुस आदिको कारणले गर्दा चिन्तित हुनुहुन्छ भने आज हामी तपाइंलाई यसबाट छुटकारा पाउने घरेलु उपायको बारेमा जानकारी दिन्छौं । यो तरिका निकै नै सजिलो छ :-

१) मुसा: मुसालाई पुदिनाको गन्ध मनपर्दैन । यदि तपाई मुसाले गर्दा दिक्क हुनुभएको छ भने, कपासको सानो टुक्रामा पुदिना हालेर मुसा आउने सम्भावित ठाउँमा राख्नुहोस् । यसको गन्धले मुसालाई श्वास फेर्नमा गाह्रो हुन्छ । जस्ले गर्दा मुसा मर्छ ।

२) साङ्ला: मरिच , प्याज र लसुनलाई पिसेर पानीसँग मिसाएर मिश्रण बनाउनुहोस् । यस मिश्रणलाई साङ्ला आउने ठाउँमा छर्किनुहोस् । यसको गन्धलाई सहन नसकि साङ्ला भाग्छ ।

३) झिंगा: झिंगाबाट छुट्कारा पाउनको लागि घरलाई सफा राख्न जरुरी छ । यसका साथै ढोका सधैं बन्द गनुपर्ने हुन्छ । यसो गर्नाले पनि झिंगा आउने समस्या हुन्छ भने, कपासलाई धेरै गन्ध आउने तेलमा डुबाएर ढोकासँगै राख्नुहोस् । तेलको गन्धले गर्दा झिंगाहरु बाहिर जाने गर्छन् ।

४) उडुस: प्याजको रस उडुसलाई मार्नको लागि राम्रो औषधि हो । यसको गन्धले श्वास फेर्नमा उडुसलाई कठिनाई हुन्छ , जस्ले गर्दा उडुस तुरुन्तै मर्छ ।

५) माउसुली: माउसुलीलाई घरबाट भगाउने यो निकै नै राम्रो तरिका हो । ५–६ मयुरको प्वाँखलाई भित्तामा टाँस्नाले केही दिनमै माउसुली गायब हुन्छ । मयुरले माउसुलीलाई खान्छ । यसै कारणले गर्दा छेपारो मयुरको प्वाँख देख्ने बितिक्कै भाग्ने हुन्छ । यदि मयुरको प्वाँख पाउन सक्नुहन्न भने, अन्य चराको प्वाँखलाई पनि हाल्न सक्नुहुन्छ ।

यो पनि पढ्नुस

शरीरको कुनै पनि भागमा माउसुली(भित्ती) खस्दा के हुन्छ ? यस्तो छ शास्त्रको शुभ–अशुभको संकेत

धर्तीमा रहेका सानाभन्दा सानादेखि ठूला जीवहरुको आ–आफ्नै महत्व हुन्छ, जस्तै, माउसुली । हेर्दा डरलाग्दो वा घिनलाग्दो लाग्ने माउसुली कसैलाई मनपर्दैन । तर, जुन माउसुलीबाट टाढा भागिरहेका हुन्छौँ, त्यसले हाम्रो भविष्यको संकेत गर्ने बताइन्छ ।

शास्त्रअनुसार घरको भित्तामा हिड्ने माउसुली(भित्ती) शरीरको कुनै पनि भागमा झर्नुले शुभ–अशुभको संकेत गर्छ ।

– यदि माउसुली टाउँकोमा परेमा सम्पति मिल्ने संभावना हुन्छ । त्यस्तै, गर्दनमा परेमा यश प्राप्त हुन्छ ।

– दाहिने कानमा परेमा आभुषण प्राप्त हुन्छ । बाँया कानमा माउसुली परेमा आयु बढ्ने संकेत गर्छ । यस्तै, बाँया गालामा झरेमा पुरानो मित्रसँग भेट हुने तथा दाहिने गालामा परेमा पनि आयु बढ्ने संकेत हो ।

– यदि माउसुली तपाईको नाकमा झरेमा तपाईको भाग्यदोयको संकेत मानिएको छ ।

– यदि पिठ्युमा माउसुली झरेमा घरमा कलहको संकेत मानिन्छ । पिठ्युको दोहिने भागमा खसेमा सुख र देब्रेमा परेमा रोगको संकेत गर्छ ।

– दाहिने काँधमा झरेमा विजयको संकेत गर्छ, तर बाँया काँधमा माउसुली खसेमा नयाँ सत्रु बन्ने संकेत हुन्छ ।

– यदि दायाँ हातमा झरेमा कपडा र बायाँ हातमा झरेमा धनको हानीको संकेत भनिएको छ । यस्तै, दायाँ खुट्टामा परेमा यात्राको लाभ र बायाँ खुट्टा परेमा घरमा कलह तथा बिरामी, दुःख मिल्ने संकेत मानिएको छ ।

तर सावधान हुनुस्, शास्त्रमा भनेको सबै सत्य हुन्छन् भन्ने छैन। माउसुली मुखमा खस्यो, वा खानामा पर्यो भने त्यसले शुभ पटक्कै गर्दैन। माउसुली विषालु हुन्छ त्यसैले यसबाट बच्नुनै बुद्धीमानी हुन्छ।