Jagaran Nepal सोमबार, भाद्र ०१, २०७७

कोरोना भाइरस महामारीका कारण विश्व नै आक्रान्त बनेको छ । विश्वमा लाखौं मानिसको कोरोनाका कारण मृत्यु भएको छ । नेपालमा पनि १ सय भन्दा धेरै मानिसको कोरोनाका कारण मृत्यु भइसकेको छ भने २२ हजार भन्दा धेरै संक्रमित भइसकेका छन् ।

अहिलेसम्म औषधि नबेका कारण पनि कोरोना भाइरस नियन्त्रणका लागि सामाजिक दूरी नियमित हाँत धुने लगायतको काम गर्न आवश्यक हुन्छ ।

कोरोनाको संक्रमणबाट बच्न हेल्थ एक्सपर्टहरु स्वच्छतामा विशेष ध्यान दिन सल्लाह दिन्छन् । दैनिक १५ पटकभन्दा बढि हात धुने वा बारम्बार स्यानिटाइजरको प्रयोग गर्न चिकित्सकको सुझाव छ ।

न्यूयोर्क यूनिर्भसिटीको लैंगोन मेडिकल सेन्टरकी एलर्जी तथा इन्फेक्शियस स्पेशलिस्ट पूर्वी पारिखले कोरोना संक्रमणको जोखिम कम गर्न केहि खराब आचरणमा सुधार ल्याउनु पर्ने बताएकी छन् ।

पूर्वी पारिखका अनुसार मानिसहरुमा रहने केहि खराब आचरणले कोरोना भाइरसको जोखिम निम्त्याउँछ । जसका कारण ति आचरण तत्काल छाड्नुपर्ने हुन्छ ।

१. नङ चपाउने बानी छ भने तत्काल त्यस आचरणलाई त्याग्नु पर्छ । अन्यथा नङमा रहने कोरोनाका भाइरस सहजै मानिसको शरीरमा प्रवेश गर्न सक्छ ।

२. बिना कारण आफ्नो अनुहार, नाक, मुख वा आखाँ छोइरहने स्वभाव भएका मानिसले यो आचरण त्याग्नु पर्दछ । यसले संक्रमणको जोखिम उच्च पार्दछ ।

३. मुखमा हात लगाइरहने बानी पनि कोरोना सर्ने कारण बन्न सक्छ । त्यसैले सेचत बन्नुहोस् । जुनसुकै बेलामा मुखमा हात नहाल्नुहोस् । मुखमा हात लगाउनुअघि साबुनपानीले मज्जाले धुनुहोस् ।

४. चुइगम चपाउने बानी भएका कतिपय मानिसमा बीचमा केहि खानु परे चपाउदै गरेको चुइगम कागज वा केहिमा बाहिर निकालेर राख्ने बानि हुन्छ । यसमा पनि कोरोनाको जोखिम उच्च रहन्छ ।

५. जथाभावी जिउ कन्याउने, छुने वा कपाल चलाइरहने र मुख तर्फ लानेमा पनि कोरोना भाइरसको संक्रमण हुने जोखिम रहन्छ । जसका कारण जति नै स्वच्छताको ख्याल राखेपनि यहि आचरणबाट पनि कोरोनाको संक्रमण हुनसक्छ ।