Jagaran Nepal शुक्रबार, साउन १६, २०७७

काठमाडाैँ । शुक्र ग्रहलाई जीवनमा सबै प्रकारको सुख सुविधा दिने कारक मानिन्छ । यस्तोमा यहि २९ फेब्रुअरीबाट शनिवारको राति १ बजेर ४५ मिनेटबाट शुक्र मेष राशिमा प्रवेश गर्दैछ ।

ज्योतिषविद्का अनुसार मेष राशिमा शुक्र आउनाले ८ राशीमा धनलाभको सम्भावना बन्नेछ । यस गोचर कालमा धन, व्यापार र सफलतामा बढोतरी मात्र हुनेछैन ती ८ राशीलाई कर्जाबाट समेत मुक्ति मिल्नेछ ।

कुन हुन् त ती भाग्यमानी ८ राशी ?

१. मिथुन राशीः शुक्र देवको कृपा पाउनाले मिथुन राशीका ब्यक्तिलाई धन प्राप्ती हुनुका साथै रचनात्मक क्षेत्रमा राम्रो लाभ मिल्नेछ । आर्थिक स्थिति मजबूत हुनाले कुनै पनि कलात्मक कार्यमा तत्काल आम्दानी हुनेछ ।

२. कर्कट राशीः कर्कट राशीका जातकका लागी औसतमा सामान्य धनलाभ हुनेछ । यस अवधीमा व्यवसायमा पूजी लगानी गर्ने र कामकाजका लागी बाहिर जानु पर्ने हुनसक्छ । कार्यस्थलका महिला कर्मचारीलाई प्रसन्न राखेमा सफलता प्राप्त हुनेछ ।

३. सिंह राशीः यात्रामा धनलाभ हुने संभावना छ । यसका अलावा ग्ल्यामर, सञ्चार, कला तथा अभिनयका क्षेत्रमा काम गर्नेहरुका लागी यो आम्दानी गर्ने सबैभन्दा राम्रो समय हो । दाजुभाइ दिदीबहिनीबीचको वैमन्स्यता कम गरेमा अधिक लाभ मिल्ने सम्भावना छ ।

४. तुला राशीः तुला राशिका जातकका लागी यस अवधिमा व्यापार तथा लगानीबाट अपेक्षित लाभ मिल्नेछ । लाभ मात्र होइन यस अवधिमा स्वास्थ्य समस्याबाट समेत छुटकारा प्राप्त हुनेछ । व्यावसायका साझेदारबाट अत्यधिक लाभ मिल्नेछ ।

५. वृश्चिक राशीः यस गोचरका प्रभावले खर्चमा अप्रत्याशित वृद्धि हुनेछ । कामकाजका सिलसिलामा यात्रा हुन सक्छ । जागिरेहरुलाई यस अवधिमा धनबर्षाको योग छ । वृश्चिक राशीका जातकका लागी यस अवधिमा कर्जा चुकाउने समय रहेको छ ।

६. धनु राशीः कर्जामा डुबेका धनु राशीका ब्यक्तिका लागी यस गोचर अत्यधिक लाभदायक रहेको छ । यस अवधिमा आम्दानी बढ्ने तथा आर्थिक स्तर मजबूत हुने पक्कापक्कि छ । तर यस अवधिमा नौकरी बदल्नु पर्ने अवस्था पनि आउनसक्छ ।

७. कुम्भ राशीः यस गोचरको अवधीमा कुम्भ राशीका ब्यक्तिले तनावबाट मुक्ति पाउनेछन् । साथै सापटी दिएको धन फिर्ता हुन थाल्नेछ । अपरिचितबाट सहयोग पाइएपनि विश्वासका पात्रबाट धोका हुनसक्छ । आफ्नो पिता वा पतीमा धन खर्च गर्नुपर्ने हुनसक्छ ।

८. मीन राशीः यस गोचरको प्रभावले धनका मामलामा राम्रो लाभ दिनेछ । धन प्राप्त हुने मात्र होइन सञ्चय पनि हुनेछ । जसले आर्थिक स्थिति मजबूत बन्न गई पैतृक सम्पतीबाट समेत लाभ मिल्नेछ । सवारी साधनको प्राप्ति हुने प्रबल सम्भावना छ ।