Jagaran Nepal सोमबार, साउन १२, २०७७

काठमाडाैँ । कोभिड–१९ का कारण अहिले मास्क लगाउनु हरेक नागरिकका लागि अनिवार्य भइसकेको छ । तर, सामान्य मास्क लगाउँदा कतिपय हैरान हुने गर्छन् । आजभोलि बजारमा चाखलाग्दा र स्मार्ट मास्कहरु पनि निर्माणको क्रम बढेको छ । केही समयअघि एक जापानी कम्पनीले स्मार्ट मास्क सार्वजनिक गरेको थियो ।

यसैबीच अर्को एक मास्क कम्पनीले एलइडी मास्कको विकास गरेको छ । यो मास्कलाई डुअल लेअर कटनले बनाइएको र जसमा चार्जेबल एलइडी फ्लेक्स प्यानल पनि भएकाे द भर्जको गरेकाे एक रिपोर्टले जनाएकाे छ ।

उक्त प्यानललाई सेनिटाइज गरेर पुनः प्रयोग गर्न सकिन्छ । मास्कलाई अनलाइनमार्फत पनि खरिद गर्न मिल्नेछ । एलइडी डिस्प्लेवाला यो मास्क एक स्क्रिनका साथ उपलब्ध हुनेछ । प्रयोगकर्ताले मोबाइल एपका माध्यमबाट मास्कलाई कस्टमाइज गर्न पनि सक्नेछन् । यो मास्क लगाएर सास फेर्न पनि सहज हुने बताइएको छ । हाल यो मास्कको नेपाली मूल्य झण्डै ११ हजार पर्ने बताइएकाेे छ ।