Jagaran Nepal बुधबार, आषाढ २४, २०७७

काठमाडौं । कलाकार तथा सञ्चारकर्मी सन्दीप क्षेत्रीविरुद्ध उजुरी परेको छ । मधेसी समुदायप्रति घृणा वा द्वेष फैलाउने र मधेशी र पहाडी सम्प्रदायबीचको सुमधुर सम्बन्धलाई खलल पार्ने काम गरेको भन्दै अशोक कुमार कुशवाहाले प्रहरीमा उजुरी दिएका हुन् ।

उनले गत असार १७ गते कान्तिपुर टेलिभिजनमा प्रसारित कार्यक्रममा सार्वजनिक हित, सामाजिक सद्भाव र नैतिकता विरुद्ध रहेको भन्दै छिपहरमाई–५ निवासी कुशवाहाले उजुरी दर्ता गराएका हुन् । क्षेत्रीमाथि मुलुकी अपराध संहिता, २०७४ को दफा ६५ को उपदफा (१)बमोजिम ऐनको दफा दफा ६५ को उपदफा (२) बमोजिम हदैसम्मको कारबाहीका लागि मुद्धा दर्ता भएको हो।