Jagaran Nepal सोमबार, आषाढ १५, २०७७

काठमाडाैं । अहिलेसम्म शारीरिक परिवर्तनहरू जस्तै ज्वरो, सास फेर्न गाह्रो, सुख्खा खोकी र थकान कोरोना भाइरसका लक्षणहरू मानिदै आएका छन् । तर कोरोना संक्रमणको लागि काम गर्ने एक अमेरिकी चिकित्सा संस्था, सेन्टर फर डिजीज कन्ट्रोल एण्ड प्रभिेन्सन(सिडीसी)ले तीन नयाँ शारीरिक लक्षणहरूलाई कोरोना भाइरसको सम्भावित संकेतको रूपमा ब्याख्या गरेको छ ।

सीडीसीका अनुसार पहिले नाकबाट सिगान बगिरहने भनेको उक्त व्यक्ति कोरोनाबाट संक्रमित भएको हो भन्न सकिने तथ्यहरु फेला पारेको बताएको छ । तर, यदि एक व्यक्तिको नाक लगातार सिगान बगिरहेको छ, र उसले भित्रबाट अप्ठ्यारो महसुस गरेको गरिरहेको छ भने, त्यस्ता व्यक्तिले ज्वरो नभए पनि कोरोनाको जाँच पर्ने सुझाव दिएको छ ।

सीडीसीले कोरोनाको दोस्रो नयाँ लक्षण रिपोर्ट गरेको छ । सीडीसीका अनुसार यदि व्यक्तिले बारम्बार असामान्य वाकवाकीको महसुस गर्न थाल्छ भने, यो खतराको संकेत हो भनेर बुझ्न सुझाव दिएको छ ।

यस्तो व्यक्तिले तुरुन्तै आफूलाई अलग गर्नुपर्दछ । यद्यपि वाकवाकीका लागि अन्य कारणहरू पनि हुन सक्छन्, तर यस मौसममा यसलाई बेवास्ता नगर्नुहोस् र यदि यो बारम्बार भइरहेको छ भने कोरोना टेस्ट गर्न पनि सुझाव दिएको छ ।

कोरोनाको तेस्रो नयाँ लक्षण पखाला हो । डाक्टरहरूले पहिले पनि विश्वास पखलाका बारेमा जानकारी दिएका थिए । कोरोना संक्रमित बिरामीहरूलाई पखालाजस्तो वा उस्तै लक्षणहरू देखिन सक्दछन् ।