Jagaran Nepal आइतबार, आषाढ १४, २०७७

काठमाडौं – विश्व स्वास्थ्य संगठन (डब्लुएचओ) ले कोरोना भाइरसको भ्याक्सिन तयार हुन अझै १२ देखि १८ महिनासम्म लाग्ने बताएको छ ।कोरोनाको भ्याक्सिन तयार पार्न कैयन् देश लागिरहेका बेला डब्लुएचओको यस्तो भनाइ आएको हो ।

विश्वमा फैलिएका यस्ता महामारीको भ्याक्सिन तयार हुन समय लाग्ने र सबैभन्दा कम समय इबोला भ्याक्सिन बनाउन लागेको भन्दै डब्लुएचओले जनाएको छ । साथै डब्लुएचओले भ्याक्सिन बन्न समय लाग्ने भन्दै कोरोना म’हा’मा’री’बाट सचेत हुन भनेको छ । डब्लुएचओका अनुसार सामान्य भ्याक्सिन बनाउन ८ देखि १० वर्षसम्म लाग्न सक्छ ।

एक अध्ययनका अनुसार विश्वमा केहीले कोरोनाबाट बच्न आफ्नो रोगप्रतिरोधात्मक क्षमता विकास गरेका छन् । विश्वका कैयन् देशमा कोरोना संक्रमण लाखौंको संख्यामा फैलिएको छ । यस्तो अवस्थामा म’हा’मा’रीका रुपमा फैलिएको कोरोना रोक्न भ्याक्सिन नै एक विकल्प भएको पनि डब्लुएचओले जनाएको छ ।