Jagaran Nepal बुधबार, आषाढ १०, २०७७

काठमाडौं । कोरोनाभाइरसको संक्रमणका कारण काठमाडौंको जग्गाको मूल्याङ्कन स्थिर राखिएको छ । काठमाडौँ महानगरपालिकाको सातौँ नगरसभाको दोस्रो अधिवेशनमा पेश गरिएको महानगरको आर्थिक ऐनमा आर्थिक वर्ष २०७७/७८ को लागि महानगर क्षेत्रभित्रको जग्गाको मूल्याङ्कन स्थिर राखिएको हो ।

महानगरको प्रस्तावित आर्थिक ऐनमा काठमाडौं महानगर क्षेत्रभित्र जग्गाको प्रतिआना न्यूनतम ४ लाख रुपैयाँदेखि अधिकतम ५० लाख रुपैयाँसम्म तोकिएको छ । यस्तो मूल्य जग्गा रहेको ठाउँ र जग्गाले छोएको बाटोको चौडाईका आधारमा तय गरिएको हो ।

जग्गाको मूल्यांकनलाई बैंकिङ ऋण र करसँग जोडेर हेरिने भएकोले यसको घटबढले हुने लाभ र हानी दुबै छ । तर, कोभिड–१९ को कारण घरजग्गाको मूल्यमा ह्रास आउने अनुमानकाबीच महानगरले मूल्याङ्कन भने यथावत राखेको हो ।

यस्तो छ काठमामाडौंमा जग्गाको मूल्य :