Jagaran Nepal आइतबार, आषाढ ०७, २०७७

काठमाडौँ । बलिउडकी विवादित आइटम गर्ल राखी सावन्तले सुशान्त राजपुतका बारेमा सनसनीपूर्ण अभिव्यक्ति दिएकी छिन्। उनको बयानले असंवेदनशीलता पार गरेको भन्दै उनको आलोचना गरिएको छ।

राखीले सुशान्त आफ्नो सपनामा आएर पुर्नजन्म लिने कुरा सुनाएको बताएकी छिन्। यतिमात्रै हैन् उनले सुशान्तले आफ्नो कोखमा पुर्नजन्म लिने बताएको पनि भन्न भ्याएकी छिन्। उक्त अभिव्यक्तिपछि राखीको चौतर्फी विरोध भइरहेको छ।

उनले भनेकी छिन्, ‘रातमा सुतिरहेकी थिए, अचानक ठूलो झट्का लाग्यो। मैले सोधे, को हो ? आवाज आयो सुशान्त। के तपाई विश्वास गर्न सक्नुहुन्छ ? सुशान्त मेरो सपनामा आए र भने म फेरि जन्म लिन्छु, मेरा फ्यानलाई भनिदिनु मैले फेरि पुर्नजन्म लिनेछु । मैले भने कसरी, उनले भने, राशी तिम्रो कोखमा मैले जन्म लिनेछु।’

राखीले एक भिडियो सार्वजनिक गर्दै सुशान्तका बारेमा यस्तो अभिव्यक्ति दिएकी हुन्। अभिनेता सुशान्त गत आइतबार मुम्बईको बान्द्रा स्थित आफ्नै घरमा झुण्डिएको अवस्थामा फेला परेका थिए।उनको आत्महत्या प्रकरणमा धेरैको विभिन्न अभिव्यक्ति आइरहेका बेला राखीले पनि विवादास्पद अभिव्यक्ति दिएकी छिन्।