Jagaran Nepal बुधबार, आषाढ ०३, २०७७

वलिउडका अभिनेता सुशान्त सिंह राजपुतले आ’त्मह’त्या गरेसँगै सामाजिक सन्जालहरुमा दुईथरी मत आइरहेका छन् । एकथरी भन्छन् अभिनेता राजपुत कमजोर मानसिकता भएकाले आ’त्मह’त्या गरेको भनेका छन् भने एकथरीले फिल्म इण्डिष्ट्रजमा साना कलाकारमाथि ठूला र नाम कमाएकाहरुले गर्ने भेदभावका कारण नै व्यक्ति निराश बन्ने गरेको र आ’त्मह’त्या सम्मका कदम उठाउने गरेको बताउँछन् ।

भारतमा सुशान्त राजपुतले आ’त्मह’त्या गरेसँगै नेपालका फिल्मी उद्योगमा पनि यो कुराले जर्व’जस्त प्रवेश पाएको छ । नेपाली अभिनेत्रीहरु पनि यसका बारेमा बोल्न थालेका छन् । यसै विषयलाई लिएर अभिनेत्री वर्षा सिकाकोटीले आफू पनि डिप्रेशनमा परेको बताएकी छन् । मंगलबार सामाजिक संजाल फेसबुकमा उनले उक्त कुरा लेख्दै फिल्म क्षेत्रमा नातावाद (नेपोटिजम), कृपावाद, समुहवाद, गुटबन्दी फस्टाएको बताएकी छन् ।

यस्ता कुरामा सत्य बोल्ने आँट कमैको हुने बताएकी अभिनेत्री सिवाकोटीले भनेकी छन्, ‘सत्य बोल्ने आँट कमै को छ । किन कि यस्ता अभिव्यक्तिले भोलिका दिनमा करिअरमा असर पर्न सक्छ, कामको अभाव हुन सक्छ । गत बर्ष यो बिषयमा फेसबुक स्टाटसमार्फत मैले नि हल्का कुरा उठाएकी थिएँ । त्यसपछी यसबारेमा कोही बोलेको सुनिएन, देखिएन पनि । हालै घटित बलिउड घ’टनाले यहाँ पनि यो बिषयमा चासो बढेको देखें..’ उनले भनेकी छन्

उनले अगाडि भनेकी छिन्, ‘केहीले आवाज नि उठाउनु भयो, जुन कुरामा म पनि सहमत छु ! तर यति भन्दै गर्दा र आजको दिनसम्म यो ठाउँमा आइपुग्दा यो बिषयले मात्र फिल्म क्षेत्र रुमल्लिएको छैन । यहाँ अरु थुप्रै अवस्था छन्, जुन कुरामा ध्यान दिन पनि जरुरी छ ।’

फिल्म क्षेत्रमा देखिने नातावाद (नेपोटिजम), कृपावाद,समुहवाद, गुटबन्दी फस्टाएको र त्यसको पीडित आफू पनि भएको उनले लेखेकी छन् ।
‘यहां नामका कारण पाइलै पिच्छे तुलना हुन्छ । मैले जति नै राम्रो, फरक काम गरे पनि प्रश्न उठाइन्छ । यी कुराले कति ठाउँमा मलाई मानसिक पीडा भएको मेरा नजिकका केही बाहेक कसैलाइ थाह छैन,’ उनले भनेकी छन्, ‘केही समय अघि म पनि डिप्रेशनमा थिएँ । यहाँ त यतिसम्म कि, इन्स्टा र फेसबुक फलोअरको आधारमा समेत केहीले मेरो कामको मूल्यांकन गर्ने गरेका छन् ।’

वर्षाले भनेकी छन्, ‘जस्को धेरै फलोअर्स त्यसलाई बढि पहुँच हुन्छ कामको । जसको धेरै युट्युवमा इन्टरभ्यु आउछ, उ हिट कलाकार कहल्याइन्छ । यी सबैको सामना गरेर पनि आफ्नो इथिक्स कायमै राखि अगाडि बड्ने प्रयासमा जोड दिन जरुरी छ । स्टार किड भन्दै गर्दा उहाँहरुको कामको मूल्यांकन हजुरहरुले नै गर्नु भएको छ । को अब्बल, को कम्जोर, ठम्याउने जिम्मा हजुरहरु कै हो । नातावादले कहिलेसम्म धान्ला र ? ब्त तजभ भलम।। हामी सबैलाई राम्रो काम गर्ने कलाकारको महत्व थाह भइ नै हाल्छ ।

मेरो पछिल्लो अभिब्यक्ति पश्चात मैले अब इण्डष्ट्रीमा काम नै नपाउने हल्ला थियो तर यो लकडाउन नभएको भए मैले साइन गरेका कति फिल्म समय दिन नसकेर छोड्नु पर्ने अवस्था थियो ।तपाईं कुनै काम गर्नु हुन्छ भने पूर्ण मिहिनेत, बिश्वास र समर्पणका साथ गर्नुस् की, जहाँ कुनै बादले छुन पनि नसकोस् । तपाईं प्रतिभा सम्पन्न, लगनशील र आत्मबिश्वासी हुनुहुन्छ भने एकदिन अवश्य तपाईको मिहीनेतले कदर पाउने छ । हत्केलाले सूर्यलाई छेकेर छेकीन्छ र ?’