Jagaran Nepal बुधबार, आषाढ ०३, २०७७

काठमाडौं । बेलायतको औषधि निर्माता कम्पनी एस्ट्राजेनेकाले अबको ४ महिनाभित्र कोरोनाको भ्याक्सिन बजार उपलब्ध हुन सक्ने जनाएको छ ।एस्ट्राजेनेकाका प्रमुख कार्यकारी पाकस्ताल सोरोइटले अक्टुबरबाट कोरोना भाइरसवि’रुद्धको भ्याक्सिन बजारमा आउन सक्ने दा’बी गरेका हुन् ।मंगलबार बेल्जियम रेडियोसँगको कुराकानीमा सोरोइटले तेस्रो चरणको ट्रायल सुरु भइसकेको भ्याक्सिन अक्टुबरबाट बजारमा आउने जानकारी दिएका हुन् ।प्रायः तेस्रो चरणको ट्रायल क्लिनिकल विकासको अन्तिम चरण हुनेगर्छ र यसक्रममा सुरक्षा र प्रभावकारिता जाँच्नका लागि हजारौं मानिसलाई भ्याक्सिन दिइन्छ ।

उक्त भ्याक्सिनले करिव एक वर्षका लागि कोरोनाको सं’क्र’म’णबाट रक्षा गर्ने उनले बताएका छन् ।अक्सफोर्ड विश्वविद्यालयले विकास गरेको भ्याक्सिन उत्पादनका लागि एस्ट्राजेनेकाले बेलायत सरकारसँग सहकार्य गरिरहेको छ ।मानिसमा यस भ्याक्सिनको परीक्षण जारी रहेका बेला एस्ट्रोजोनले विश्वभर २ बिलियन डोज उपलब्ध गराउने गरी बेलायत सरकारसँग सम्झौता गरिसकेको छ ।

एजेटडी–१२२२ नाम दिइएको अक्सफोर्ड विश्वविद्यालयको भ्याक्सिन चिम्पान्जीलाई संक्रमित गर्ने रुघाखोकीको कमजोर भर्सनमा आधारित छ । यसमा सार्स–कोभ २ को स्पाइक प्रोटिनको जेनेटिकल मेटेरियल पनि समावेश छ बेलायत सरकारले कोरोना भाइरसकै भ्याक्सिन विकास गरिरहेको लन्डन इपेरियल कलेजलाई पनि ४१ मिलियन पाउन्ड सहयोग गरिसकेको छ ।