Jagaran Nepal आइतबार, जेठ ३२, २०७७

काठमाडौं । कोरोना संकटसँग जुध्दै गरेको भारतमा शक्तिशाली भुकम्पको धक्का महसुस गरिएको छ । भारतीय सञ्चारमाध्यमहरुमा आएको खबर अनुसार ५.८ रेक्टर स्केलको भुकम्पको धक्का महसुस गरिएको हो । भूकम्पको धक्का गुजरातमा आज साँझ भारतीय समय अनुसार ८ः१३ मीनेटमा महसुस गरिएको हो । गुजरातको राजकोट आसपास केन्द्र भएको जानकारी भारतको राष्ट्रिय भुकम्प मापन केन्द्रले दिएको छ । यसबाट कुनै क्षति भए नभएको कुनै जानकारी आएको छैन । पछिल्ला दिनहरुमा भारतमा यस खालका धक्काहरु लगातार महसुस हुँदैछन् ।