Jagaran Nepal बिहिबार, बैशाख २५, २०७७

रानी विराटनगर, इटहरी, धरान, व्यपारीक मार्ग विस्तारको काम लकडाउनका बेला पनि सुरु भएको छ।भारतको जोगबानी र चीनको किमाथांका जोड्ने ६ लेन सडक निर्माणको काम कोरोना संकटका बेला पनि सुरु गरिएको व्यपारीक मार्ग विस्तार आयोजनाले जनाएको छ।कोरोना माहामारीका कारण सबैतिर बन्दाबन्दी भए पनि लकडाउनका कारण रोकिएको ६ लेन सडक निर्माणको काम केही स्थानबाट सुरु गरिएको व्यपारी सडक निर्माण आयोजनाले जनाएको छ।अहिले सुनसरी र मोरङको सीमानामा पर्ने बुढीखोलाको पुल निर्मण र सुनसरीको इटहरी र दुहवी नगरपालिका सीमानामा पर्ने सडक निर्माणको काम सुरु भएको हो।

पुल निर्माणको काम सपना, देबएण्ड फायर, भूमी कन्ट्रक्सनले सुरु गरेको छ। पुलको जग खनेर छाडिएकोमा अहिले जग उठाउने काम सुरु भएको आयोजनाका प्रमुख बद्री शर्माले बताए। यस्तै सडक निर्माणको काम तुदी रमण कन्ट्रक्सनले सुरु गरेको हो।सरकारले निर्धारण गरेको मापदण्डका आधारमा अन्य क्षेत्रमा पनि सडक निर्माणको काम बढाँउदै लगिने शर्माले बताए। उनले बर्खा लाग्नु भन्दा अगाडि नै पूल निर्मणको काम सकिने उनले बताए। सडक निर्माणमा भने अहिले नै कति प्रगति गर्न सकिन्छ भन्न नसकिने शर्माको धारणा छ।अहिले क्याम्पमा रहेका कामदारहरुलाई प्रयोग गरेर ६ लेन सडक निर्माणको काम सुरु गरिएको छ। बन्दका कारण अड्किएका मजदुरहरुलाई सामाजिक दूरी कायम गरेर सडक निर्माणमा लगाउने र उनीहरुलाई घर जान नदिई निर्माण कम्पनीकै क्याम्पमा राख्ने गरिएको छ।

सडक निर्माणमा आवश्यक पर्ने निर्माण सामाग्रीका चालकहरुलाई समेत घर जान नदिइ क्याम्पमा राखिएको छ।यसैगरी सडक निर्माणमा खटिएका मजदुहरुको नियमति ज्वारो जाँच, निर्माण स्थलमा स्यानेटाइजर र हातधुने व्यवस्था गरिएको छ।अहिले सडक निर्मााणामा ३५ भन्दा बढी मजदुरलाई परिचालन गरिएको छ। त्यति नै संख्यामा पुल निर्माणमा मजदुरहरुलाई परिचालन गरिएको छ।निर्माणमा आवश्यक पर्ने निर्माण समाग्रीहरु स्टकमा रहेकाले अहिले त्यही स्टकलाई प्रयोग गरिएको शर्माले बताए।स्टकमा रहेका सामाग्री सकिए स्थानीय क्रसरबाट प्रगोग गरिने र यसका लागि ढुवानी गर्न पासको व्यवस्था गरिने आयोजना प्रमुख शर्माले बताए। शर्माले भने, ‘अहिले हामीसँग आवश्यक पर्ने गिट्टी लगायतका समाग्रीको कुनै खाँचो छैन। आवश्यक परे ढुवानीको व्यवस्था मिलाइनेछ।’

कालोपत्रेको काम ठप्प::_लकडाउन खुलेपनि यस वर्ष नेपालका अधिकांश सडक कालोपत्रे गर्न नसकिने भएको छ। कालोपत्र गर्ने कामदारहरु अधिकांश भारतीय रहेकाले नेपालमा लकडायन खुलेपनि उनीहरुलाई नेपाल ल्याएर काम लगाउन नसकिने निर्माण व्यवसायीहरु बताउँछन्। नेपालमा सडक निर्माणमा कालोपत्रे गर्ने काम ९५ प्रतिशत भारतीय मजदुहरु छन्। तिनीहरु अहिले सबै लकडाउनका कारण घर फिरिसकेकाले उनीहरुलाई काममा लगाउन समस्या हुने रानी विराटनगर इटहरी धरान व्यपारिक मार्ग विस्तार आयोजनाका प्रमुख बद्री शर्माले बताए।