Jagaran Nepal आइतबार, आश्विन १०, २०७८

अभिनेत्री काजल अग्रवाल सामाजिक सञ्जाल मार्फत आफ्ना फ्यानहरु संग जोडिई नै रहने गरेकी हुन्छिन् । उनले फ्यानहरुलाई आफ्नो पर्सनल तथा प्रोफेश्नल जिवनका कुराहरु शेयर गरि रहन्छिन् । उनका बिषयमा अहले नयाँ कुरा आएको छ ।

बिबाह पछि धेरै लामो समय सम्म फिल्म बाट ब्रेक लिएर फेरी सक्रिय रुपमा फिल्ममै काम गरिरहेकी उनले फेरी फिल्म नखेल्ने अवस्था आएको छ । यसको कारण भनेको उनी अहिले गर्भवती भएकी छिन् । अब उनले फेरी ब्रेक लिने भएकी छिन् ।

यस्तो सम्मकी अब उनी नागार्जुनको फिल्म घोष्टमा पनि नदेखीने भएकी छिन् । उनले २०२० मा बिजनेसम्यान गौतम किभचलु संग बिबाह गरेकी थिईन् । अब उनी गर्भवती भएपछि उनले खेल्न लागेको फिल्म घोष्टमा अर्की हिरोईन् ज्याकलीना फर्नाण्डीज लाई अप्रोच गरिएको छ ।

अहिले सम्म आधिकारीक घोषणा भने हुन बाँकि नै रहेको छ । काजलले आफु गर्भवती भएको थाहा पाए संगै अहिले काम गरिरहेको प्रोजेक्ट चाँडै सकेर बस्ने तयारी गरेकी छिन् । उनी हिन्दी चलचित्र उमामा पनि अनुबन्धित रहेकी थिईन् ।

थप समाचार :गायिका इन्दिरा जोशीले इन्गेजमेन्ट गरेकी छन्। इन्दिराले खुम्बु पुगेर इन्गेजमेन्ट गरेको भिडियो अहिले सामाजिक सञ्जालमा भाइरल छ। उनले फेशन डिजाइनर शरद केडियासँग इन्गेजमेन्ट गरेकी हुन्। इन्दिराले यसअघि आफू प्रेम सम्बन्धमा रहेको बताउने गरेपनि प्रेमीको नाम भने खुलाएकी थिइनन्। इन्गेजमेन्ट भएकोबारे उनले सार्वजिनक रूपमा अहिलेसम्म भनेकी छैनन्।

भिडिओमा शरदको हातको औंठी हुन्छ र उनी आफ्नो घुँडामा टेकेर इन्दिरालाई विवाहको प्रस्ताव राख्छन्। शरदले आफूतिर औंठी तेर्स्याएपछि इन्दिरा अच्चमित र खुसी हुन्छिन्। उनले शरदको प्रस्ताव स्वीकार गरेर औंठी लगाउँछिन्। यो दृश्य खुम्बुस्थित एक डाँडामा भएको हो। इन्दिरा र शरद आफ्नो टिमसँग त्यहाँ एक कार्यक्रमका लागि गएका थिए। त्यही मौका पारेर फेसन डिजाइनर शरदले इन्दिरालाई सर्प्राइज विवाह प्रस्ताव राखेका हुन्।

उनीहरूको इन्गेजमेन्ट भएको भिडियो भने क्याप्टेन विवेक थापाको टिकटक अकाउन्टमार्फत सार्वजनिक गरिएको छ। गत वर्षको फागुनमा इन्दिराले इन्स्टाग्राममा आफ्नो हातमा लगाएको औंठीको फोटो खिचेर पोस्ट गरेकी थिइन्। फोटो तल क्याप्सनमा उनले लेखेकी थिइन्, ‘दुई वर्षको साथ र आउँदो जीवनका समयको निरन्तरता…अन्तिम साससम्म हामी सँगै हुनेछौं।’

त्यतिबेला नै इन्दिराको पोस्ट देखेर धेरैले उनको इन्गेजमेन्ट भएको अनुमान लगाएका थिए। उनले आफ्नो प्रेमीको अनुहार र नाम भने खुलासा गरेकी थिइनन्। आफ्नो इन्गेजमेन्ट भएको कुरा सामाजिक सञ्जालभर फैलिरहँदा इन्दिराले भने आफ्नो अझै पनि औपचारिक इन्गेजमेन्ट नभएको बताएकी छन्। उनका अनुसार शरदले उनलाई केबल विवाहका लागि प्रस्ताव गरेका हुन् र उनी त्यसमा राजी भएकी हुन्।

‘म आफ्नो व्यक्तिगत जीवनका कुरा धेरै बाहिर ल्याउन रूचाउँदिनँ। तर शरदले मलाई विवाह प्रस्ताव गरेको भिडिओ एकजना साथीले टिकटकमा हाल्दिनुभएछ,’ इन्दिराले भनिन्, ‘यो मेरो जीवनको यादगार क्षण भएको छ र यसलाई म सधैं सँगालेर राख्छु।’

इन्दिरा र शरदको चिनजान भएको तीन वर्षजति भयो। उनीहरूको भेट कामको दौरान साथीहरूमार्फत् भएको थियो। त्यहीक्रममा उनीहरू प्रेममा परेको इन्दिराले बताइन्। इन्दिरा नेपाल आइडलकी निर्णायक हुँदा उनले सेटमा लगाउने लुगाहरू शरदले नै डिजाइन गरेका हुन्। शरदको ‘दामी’ नामक आफ्नै फेसन स्टुडियो छ।

‘शरदको विवाह प्रस्तावपछि हामी आफ्नो प्रेम सम्बन्धलाई अब अझै माथि लैजाँदै छौं,’ इन्दिराले भनिन्, ‘तत्काललाई हामी इन्गेजमेन्टको तयारीबारे कुरा गरिरहेका छौं। बिस्तारै उचित समय मिलाएर विवाह पनि हुनेछ।’