Jagaran Nepal बिहिबार, भाद्र ३१, २०७८

काठमाडौं । विश्वभर सर्वाधिक चर्चामा रहेको एप्पलको नयाँ फोन बजारमा आएको छ । आइफोन १३ सार्वजनिक भएको हो ।

मंगलबार एक कार्यक्रमबीच आइफोन १३ र आइफोन मिनी सार्वजनिक गरिएको हो । आइफोन १३ को डिस्प्ले ६.१ इन्चको रहेको छ भने मिनी आइफोनको ५.४ इन्चको रहेको छ ।

आइफोन १३ को हकमा एप्पलले आइफोन १२ को डिजाइनमा कुनै परिवर्तन नगरेको जानकारी दिएको छ । फोनमा १२ मेगापिक्सेलको क्यामरा समेत रहेको छ ।

आइफोन १२ को तुलनामा आइफोन १३ मा साढे २ घण्टा बढी ब्याट्री ब्याकअप रहेको कम्पन्नीले दाबी छ । यी आइफोनमा दुई वटा क्यामेरा रहेका छन् भने दुवैमा ए १५ बायोनिक चिप रहेको छ ।

अर्कोतिर आइफोन १३ सिरिज ६४ जिबी स्टोरेजमा उपलब्ध नहुने भएको छ । कम्पन्नीकाअनुसार न्यूनतम १२८ जिबीदेखि अधिकतम ५१२ जिबीको विकल्प हुनेछ।

आइफोन १३ प्रो र आइफोन १३ प्रो म्याक्समा ट्रिपल रियर क्यामरा हुनेछन् । क्यामरासँगै थ्री एक्स अप्टिकल जूम फिचर उपलब्ध छ । आइफोन १३ प्रोको डिस्प्ले रिफ्रेस रेट १२० हर्ज छ । यसमा सुपर रेटिना एक्सडिआर डिस्प्ले रहेको छ ।

६.१ इन्चको स्क्रिन साइजमा उपलब्ध हुने आइफोन १३ प्रोको सुरुवाती मूल्य ९९९ डलर तोकिएको छ । आइफोन १३ को सुरुवाती मूल्य ७९९ डलर तोकिएको छ भने आइफोन १३ मिनीको मूल्य ६९९ डलर तोकिएको छ ।