Jagaran Nepal मंगलबार, भाद्र ०८, २०७८

काठमाडौं । बलिउडका अभिनेता सलमान खान नयाँ फिल्मका लागि रुस पुगेका छन् । उनी रुस जाँदै गर्दा विमानस्थलमा भएको एक घटना चर्चामा आएको थियो । उनलाई विमानस्थलको गेटमा सुरक्षाकर्मीले रोकेका थिए । तर अहिले रुस पुगीसकेका सलमानले काम सुरु गरिसकेका छन् । उनी फिल्मको काममा लागेका हुन् ।

सलमानले आफ्नो अपकमिङ फिल्म ‘टाइगर–३’को छायाँकन सुरु गरेका छन् । अहिले ‘टाइगर–३’को कामका लागि सलमान खान रुस पुगेका हुन् । रुस पुगेका सलमान खानको ‘टाइगर–३’को सेटबाट विभिन्न तस्वीरहरु सार्वजनिक भइरहेका छन्, जुन सोसल मिडियामा भाइरल बनिरहेको छ । तस्वीरमा सलमान खानले आफूलाई पूरै परिवर्तन गरेका छन् ।

सलमान खानले ‘टाइगर–३’को लागि आफ्नो हुलिया पूरै परिवर्तन गरेका छन् । उक्त सार्वजनिक तस्वीरमा झलक्क हेर्दा सलमान खानलाई चिन्न जो–कोहीलाई मुस्किल नै हुन्छ । उनको मेकओभरमा निकै मिहेनत गरिएको सार्वजनिक तस्वरले प्रमाणित गरिसकेको छ ।

‘टाइगर–३’को सेटबाट लिक भएको तस्वीरमा सलमान खानको ट्रान्सफरमेशन निकै रोचक र नौलो छ । जहाँ लामो कपाल र बडी बियर्डले सलमानलाई नयाँ लुक दिएको छ । साथै उनले आफ्नो ड्रेसिङ सेन्स पनि पूरै परिवर्तन गरेका छन् ।

उक्त तस्वीरहरुलाई सलमान खानको एक फ्यान क्लबले सार्वजनिक गरेको हो, जहाँ सलमान खान रुसको गल्लीहरुमा छायाँकन गर्दै गरेका दृश्यहरु छन् । दुईदिन अगाडि मात्रै सलमान खान र अभिनेत्री क्याट्रिना कैफ आफ्नो अपकमिङ फिल्म ‘टाइगर–३’को छायाँकनका लागि रुस गएका हुन् ।